يارا ...طلّي يا أم الصبية ولفّي بنتك بازهارا/فراس كالوسية /دمشق

يارا ...

طلّي يا أم الصبية ولفّي بنتك بازهارا

ردي هالطفلة لصدرك وقولي للناس اسرارا

أطوي تراب الأرض دهب أحمر

وعيدي للبلد أحلى أخبارا..

للنور افتحي كل بوابك

وداوي الجرح بزرارا..

طلّي يا أمها غنّيلا

وقولي بلادي ولادا أنوارا..

هَدّي القمر عن مشيتو

وخلّي الشمس تحكي أفكارا..

زيدي مع بنتك شرف

وشرف الوطن يا أمي بازهارا..

لفي العروس بطرحتا

وحنّي كفوفا ببواب ديارا..

ولك غني وخلّي الغني يكبر

والأرض تشعل اوتارا..

احكي قصتا للناس

وزيدي قهوتا لكل زوارا..

هي هية يا أمي الدني

عنيدة وقاسية

وبتخفي الفرح عنّا بنارا..

ولنحيا فيها أحرار

لازم شهيد يفدي أبرارا

يروي خدودها بالأمل

وللحياة يرجّع غمارا..

تذكريها يا أمي

وابكي

واسقي من دمعاتك الأرض

تيكبر الياسمين عصدرها

وعصدر الوطن نقول

يارا...